獲取最新消息和促銷信息
想了解最新的內容和促銷活動嗎？ 通過我們的每周時事通訊獲得最優惠的價格！
想了解最新的內容和促銷活動嗎？ 通過我們的每周時事通訊獲得最優惠的價格！
港期每周分析
港期有反彈情況，走勢上仍未企穩
上星期因為星期五黑雨，又係得4個交易日。先睇返上星期提到，仍然係睇高一線，預計港期向上走嘅機會較大。星期一返黎高開，確實係向上走，大家睇返個綠色下降軌道，一開就係個下降軌道之上，升到18898之後開始返轉頭。之後嘅跌勢都幾急，跌穿紅色上升降軌道，好淡分水都曾經作出過反彈，但可惜係未能企穩184水平，最終連黑色呢條上升TREND LINE都係失守，星期四夜期更加係跌破左18000關口，勉強停係支持區。
轉睇中線走勢(HSI_Weekly Channel)，從星期一高開入左綠區後，係未能維持到強勢，星期二已經守唔住，開始向下走，中線走勢明顯做左一個轉向，同時都破壞左higher high 同higher low 嘅形態，短線仍然要向下睇，唔排除黎緊都仲係要向下走。
咁就睇下下星期嘅目標，下星期仍然都係睇淡，向下要留意住2個位置，第一個係支持區17737-17809，呢個係2個星期低位橫行區，支持力度都尚算係有，但如果都係失守，向下17610水平係非常重要，因為呢個係最後防線，權倉方面都係以17600位置作為大倉，所以如果失守就要睇落一級去17320附近。而向上18291/18560都係阻力水平，可以作為參考，同時短期需要企穩返18425水平先睇比較安全。
好淡分水 17946-18083
重要位置(轉強) 18425
重要位置(轉弱) 17946
周線向上目標 18291/18560
周線向下目標 17610/17320
道指每周分析
好淡水仍未能突破
道指方面，上星期預計佢再向上試多次個黑框先，睇下個阻力點反應，點知佢上都唔上，連好淡分水34963都係突破唔到，跌到去第一目標343水平先出現返反彈，星期五呢個就係轉月，個裂口唔關事。
留意以下講嘅分析係使用左12月美期
走勢上出現個大型收窄三角，波幅都比之前係收窄左少少，即係話要小心短期有機會有突破走勢出現。整體上黎講，上唔返個黑框都仲係要睇淡，12月期嘅話，可以用返34970水平去做個分水界，係需要企穩返35000水平先可以轉強，向上阻力大槪位置係35290/35459。而下星期主要黎講都係睇淡，向下先睇第一級支持34467-34620，睇淡目標為34467/34221支持水平。
好淡分水 34795-34970
重要位置(轉強) 34970
重要位置(轉弱) 34620
周線向上目標 35290/35459
周線向下目標 34467/34221
納指每周分析
納指出現回吐
納指同道指一樣，啱啱呢個星期係出現回吐先，星期一已經跌穿左個黑線上升trend line，成個星期都係俾個好淡分水15600水平壓住，一路落，不過上星期分析嘅時候有提到15065-15157呢個支持區，唔失守就有機會出現反彈，結果真係跌到啱啱好15157就跌停，星期五一樣都係因為轉月先出現裂口。
留意以下講嘅分析係使用左12月納期
雖然納指啱啱呢個星期係出現左回吐，但整體上都係未到好差，留意返個紅色上升軌道，納指仍然係保持住個higher high同higher low 形態，所以下星期仍然對納指有希望，較為睇好。不過可以留意一下納指下星期會係先向上突破返15591，定係先向下再試多次個支持區先再上，可以睇到個支持區再度向上移，15156-15265區域唔失守係有機會繼續向上走，向上突破15591水平就向目標15792/15972阻力水平進發。向下支持水平仍然都係15265/15083。
好淡分水 15483-15591
重要位置(轉強) 15591
重要位置(轉弱) 15372
周線向上目標 15792/15972
周線向下目標 15265/15083
