市場每周分析 4-8/9 港期、道指 及 納指

港期 每周分析

港期出現利好走勢，短期亦要突破及守佳

上星期方面講到港期出現個收窄三角，要小心期結玩野出現爆邊。留意黑色線收窄三角，星期一一返黎就已經一黎就gap up，抽上左18540就即日出現回吐，好彩就係話181水平守得住，亦都再次向上升到重要阻力區18573-18691個頂，最高去到18707就開始回吐，暫時就收係183水平。

我地先睇紅色線嘅走勢，港期暫時係出現左一個higher low 同higher high 嘅形態，即係話中線走勢上，只要佢唔破壞呢個結構，仍然係利好嘅走勢。但係同時要留意住綠色線嘅走勢，短線上係出現下降軌道，短期需要突破同企穩返184水平先係較安全。

下星期方面，仍然係睇高一線，預計港期向上走嘅機會較大，但啱啱提到，需要企穩返18404水平先係安全，上方有個短暫阻力區18483-18545，突破的話以18692/19053水平作為目標。而相反，如果唔好彩失守18156水平就要開小心，先睇17952-18055嘅防守力，跌守要小心向下方17735水平進發。整體上黎睇，走勢唔係太差，大方向仍然係向上走嘅機會較大。

好淡分水 18261-18404

重要位置(轉強) 18404

重要位置(轉弱) 18156

周線向上目標 18692/19053

周線向下目標 17952/17735

道指每周分析

道指需要暫時守住

道指方面，我地上星期提到走勢較弱，輕微睇淡短期走勢，但就係話道指向上企穩34502水平，係個情況下我地都冇得硬頸，道指直線向上升到第二級阻力351水平先出現回吐，暫時守住係348水平。 短暫走勢上道指係解除左危險，但睇返之前嘅橫行區，半個月前嘅黑框，唔知大家仲記唔記得，呢個大橫行區嘅阻力仍然存在，啱啱呢個星期都曾經向上試過係未可以突破。而重要阻力區可以留意住35281-35437區域，只要企穩返34963水平，係有機會

向上再次挑戰，目標係35281/35539水平。而下方34519-34642區域支持力度係唔錯的，所以唔失守嘅情況，下星期係較睇好道指。除非真係失守，向下目標34373/34152。

好淡分水 34811-34963

重要位置(轉強) 34963

重要位置(轉弱) 34642

周線向上目標 35281/35539

周線向下目標 34373/34152

納指 每周分析

15000關口保持升勢

最後到納指，納指上星期就提到，走勢上有機會做個higher low 出黎，但係要等待企穩返15000關口先確定，呢個星期都如計劃一樣，向上企穩返15037水平。睇返黑線trendline，納指曾經一度跌穿過，幸好就係升穿返上黎，保持返個升勢，最終升到15661。

短線上黎講，納指仍然係強勢，仍然係認為納指有機會繼續向上走，下星期只要企穩156水平的話，唔排除有能力向上挑戰高位15792/15972阻力，甚至係16000水平，短暫上係要小心。而同時，納指唔再失守15000水平的話，係唔可以太過睇淡，見到支持區上移至15065-15157區域，唔跌守都要小心隨時再向上走。

好淡分水 15489-15608

重要位置(轉強) 15608

重要位置(轉弱) 15340

周線向上目標 15792/15972

周線向下目標 15202/15065

期貨浪人

超過 20 年投資經驗，緊貼港期及美期進行市况分析，另設教學片及免費群組，協助投資人制定合適的投資策略。